Inn' fos, in' cornelle, perchie sur in haleu
Tenot vin sin long bec in morceau d'vil fromache.
V'la qu'arrive in ernard erniflant du museu,
Qui interprind l'ojeu vin sin fin babïache
Bonjour, petit' cornelle ! eh, bé, commint qui va !
Mon Di qu'vous êt' joliss', mais quo, ch'est vous qui est là
Je n'vous r'connaicho po ; ben des bonjours Mam'zelle,
Vous lujez comm' inn' pronn' mais toudis qu'vous êt' belle
Si vous savez tchanter comm' vous avez l'beauté,
Vous êtes l'reine des bos pou 1'voisse et 1'jolité.
In attindant cha là, 1'cornell' sans méfiance,
Ouvert tout grand sin bec pou pousser la romance.
Mais v'la que l'vil fromach' tché vin 1'bouque d'1'ernard
Qui l'avale in riant et dit d'in ton finard :
Tout flatteu, tout minteu, et tout sti qui 1'accoute,
Et bé, tant piss' pou li. Déchindez j'paie la goutte. »
Nou cornell' finn' saisie et jotchant tout camus,
Jura, mais un peu tard, qu'on ne l'y prendrait plus
Aucun commentaire:
Enregistrer un commentaire
Remarque : Seul un membre de ce blog est autorisé à enregistrer un commentaire.