LES BONNES GENS D'SAINT-SAUVEUR

 LES BONNES GEN 

Quant un bot par trop d'biere,

L'rai­son nous di’ adieu.

Ch^,est pour cha que j’ préfère

Babiller un p'tit peu

In d’visant, j aime à l'croire.

Nous res’ trons,d’bonne humeur.

J'vas raconter L’histoire

Des bonnes gins d’Saint Sauveur    (bis)

Chés brav's gins sont point riches,

Mai' il' ont l' coeur joyeux.

Ch'ti qui n'a qu'eun' qumiche.

S' di' :On n'in met point deux ! „

II' ont raison, j' l'espère,

L'argint n' fait point l' bonheur.

l' sont gais dins l' misère,

Les infants d' SAINT-SAUVEUR.          (bis)

Sur eun' pauv' vieil' payasse

Eun' femme in couch', brayant,

A Dieu dit : « V'nez, par grâce,

M' délivrer de m'n infant !...

Ses voisine', à la ronde,

L' consol'tent dins s' douleur...

V'lâ comme i' vienn't'nt au monde

Les infants d' SAINT-SAUVEUR.          (bis)

Leu vin`,tième ainne;.' sonne,

Et les v'là faits soldats.

D'abord, pus d'un marronne,

Mais, vient l'heur' des combats,

Heureux d' servir la France,

Les v'là tout pleins d'aideur !...

l' vont là comme à l' danse,

Les infants d' SAINT-SAUVEUR.          (bis)

Quand l'amour, dins s'n école,

Attire un biau garchon,

Vla comme i' ju' sin rôle :

I' fait s' déclaration,

In dijan' .r s' mamie

«  Pour tout bien. J'ai d' l'honneur !... »

Et v'là comme on s' marie.

Su l' paroiss’ SAINT-SAUVEUR.           (bis)       

Dins les pus sal's courettes,

Dins les cav's, les guerniers,

Sans air, faut' de ferniêtes,

Hélas ! i' sont logés.

Eun' cambre, souvint p'tite,

Log' pèr', mèr', frère et sœur

Et v'là l' tableau d'un gîte

Des infants d' SAINT-SAUVEUR.       (bis)

Quand, vieux, l' forche les quitte,

Sans pain, sans rien, les v'là

Forchés d'aller bien vite,

Finir à l'hôpita.

Prijonniers dins l' semaine ,

Ah ! pour euss' queu crcev-coeur

l' n' vont là qu'avec peine

Les infants d' SAINT-SAUVEUR.         (bis)

Et quand la mor' arrive

Avec sin noir mant'let,

Leu dire: « Allons, pou' m' suive

I' faut fair' sin paquet !

Pour chés gins, l' grand voyache

Ch'est l'espoir du bonheur...

I' meurt'nt avec corache

Les infants d' SAINT-SAUVEUR.          (bis)

Vettiez comme on s'abusse

J'avos l' goût d'rire et j' brais.

Mes fins j' vous d'mande excusse,

Pour mes sombres couplets.

Malgré sin triste ouvrache,

Applaudichez l'auteur, I

Et vous rindrez, bénache,

Ch' pauvre infant d' SAINT-SAUVEURS D'SAINT-SAUVEUR