poesies

 

Ach pér

chu né din l' coron Ste Marie et depuis Ta toudis dis,

min tiot y s'ra jamais mineur,

y dequindra  jamais al mine, din l'puits .

Min tiot y sra jamais comme, mi bowetteur.

M'ninfance, elle fut heureuse, t'ar veno d'el fosse,

J'étot tout tiot quand malade t'es pu dequindu .

Pour toudi t'a pindu un dernière fo tes loque ed fosse.

A 45 ans invalid, silicosé, el mine, au bout 33 ans, t' a eu.

Jamais té m'ingueulo ou té m'frappo,

J'pouvo fair tout c'que voulo.

El soir jeto m'carnasse pour jouer din l'voyette,

 Ch'étot là j'ai eu m'première amourette.

Mais un jour y a fallu payer l'ardoise.

Té m'a rin dit quand l'école ma rinvoyé.

J'avo 16 ans et il fallo allé travailler.

J'fus imbauché al fosse malgré m'tiote toise.

Dé t'a sus j' allo déquinde au fond,

T'es ma arpoursuivi din tout coron.

Heureusemint pour mi tétot vite essoufflé,

Quin sus rintré tard l' soir t'étot calmé.

M'mère m' servit, im'ravisant, à minger.

Ti qui diso toudis que jamais j' dinquindrai.

Durin mes 3 ans d'fond ta toudi fait min briquet,

L'été des tartines al fraise l'hiver des bananes sucrées.

Ta fait tous ché postes du matin d' l'après midi ou d' nuit.

Un soir té venu al fosse j'avos oublié m'serviette.

J't'ai fait arvenir al mine et t'a réintindu tous ses bruits,

Min père t'y étot connus, in savo tétot pas une mauviette.

T'étot contin quand j' sus parti pour toudi à l'armée.

Cha à été pour ti comme in fête, in délivrance.

J'y ai fait carrière en y restin plus 30 années.

C'ché grâce à Pierrot et à Robert, que 'j'eu cette chance.

Aujourd'hui té peu et’rehausser et être fier ed mi.

Même si déjà l'bon dieu t'a trop tôt rappelé à Ii.

Car pour ne pas oublier les histoirs d'tous chés mineurs,

J'ai fait des livs et même in site pour raconter leur labeur.

Quin j'pins à ti j ‘sais. J' te sin là, derrière mi,

Té m'ravisse, in trin travailler à l'ordinateur.

Té do t'dir par d'seur m'épaule, cha ché un télé qui écrit,

 et té' dis, j 'savo bin min tiot y finiro pas mineur.